Adagiorum Chiliades

V. 1Esurienti leoni praedam exculpere.lviii

Nonius Marcellus ex Lucilio citat hunc versum :

Ut esurienti leoni ex ore exculpere praedam.

[Comp. Doc., *, p. * M] Versus constat, si amoveas ut aut quod vero propius est, pro ut legas vi et si in esurienti corripiatur ti aut si legas esuriente. Metrum durius est, quod nullam habeat caesuram, sed non abhorrens a compositione Lucilii. Adagium simillimum est illi quod alias retulimus, clavam extorquere de manu Herculis et lupo agnam eripere.