V. 1. Faciles partus. liv

Theocritus in Encomio Ptolemaei :

Ῥηίδιαι δὲ γοναί‚ τέκνα δ᾿ οὔ ποτ᾿ ἐοικότα πατρί.

Sunt faciles partus, sed proles nata parentem

Ore refert nunquam.

Pater est juxta jureconsultos quem nuptiae designant, sed proles non semper facie maritum parientis exprimit, eoque juxta Flaccum

Laudantur simili prole puerperae.

Quanquam et hic natura ludit varietate, quemadmodum ferme in omnibus. Proles non semper refert matrem aut patrem, sed interdum avum paternum aut maternum, interdum aviam, interdum patruum aut propatruum.