Quibus precamur exitium, eos jubemus Ire in malam crucem, ad corvos, ad Cynosarges. Pro eodem prisci dixerunt in dierectum, quod illi dierectos appellarent in crucem suffixos. Nonius citat ex Varrone :
Dierectos dici putat quasi in diem erectos. Fortasse scriptum erat in dium erectos, quod qui crucifiguntur sub dium exponuntur, praesertim cum addat a domo nostra. Sub dium rapiuntur quae domo efferuntur. Insanitatem autem pro insania dixit et M. Tullius, ne quis mendum suspicetur.Apage in dierectum a domo nostra istam insanitatem !