V. 1. Praepostere. xxx

Cum sentiemus rem praepostere geri, veluti cum populus imperat principibus aut discipulus docet praeceptorem, conveniet illud M. Tullii ex eadem epistola : Ego, inquit, respondebo tibi ὓστερον  πρότερον Ὁμηρικῶς. Est autem figura grammaticorum, quam illi et πρωθύστερον sive ὑστερόπρωτον appellant, cum quod prius est natura, posterius refertur, veluti si quis dicat : Cornelia Gracchos educavit ac genuit. In Homero talis tropus frequenter est obvius.

Index Adagiorum