V. 1. Nummus plumbeus. ix

Quemadmodum assis, obolus ac teruncius, ita et nummus plumbeus abiit olim in vilitatis proverbium. Plautus in Trinummo :

Cui, si capitis res siet, nummum nunquam credam plumbeum.

Aereos nummos et hodie novit Flandria, plumbeos Anglia. At M.Tullius libro Ad Atticum V Vatinium semissem hominem vocat vilissimum et contemptissimum : simul vero semissis homo contra me arma tulit. Et tressis agaso pro comptemptissimo dictus est alibi. Plautus in Mustellaria :

Tace sis, faber, qui cudere soles plumbeos nummos.