V. 1. Post rem devoratam ratio. v

Quemadmodum de sera ope dicitur Post bellum auxilia, ita de sera parsimonia dicitur Post absumptam rem supputatio. Stasinus In Trinummo Plautina :

Sero atque stulte, prius quod cautum oportuit,

Postquam comedit rem, post rationem putat.

Loquitur servus herili filio supputanti rationem accepti, cum tota summa jam esset nequiter absumpta. Nimirum hoc est numerare praeteritas undas, cum venientes oporteat censere.

Index Adagiorum