Adagiorum Chiliades

IV. 10.Herculis quaestus.xciii

Herculis quaestum pro magnis impendiis dixit Plautus in Mustellaria :

Dapsiles sumptus facit.

Perdidit patrem, unus istic servus acerrimus

Tranio. Is vel Herculis conterere quaestum potis est.

[Most.] Alias dictum est olim plerosque decimam lucri partem Herculi vovere solitos. Hujus favore persuaserunt sibi rem fore auctiorem. Ex tam multis autem decimis oportuit immensam pecuniarum vim conflari. Quaestum appellat facete, quasi Hercules suum favorem vendiderit.