IV. 10. Rectam instas viam. xc

Rem acu tetigisti. Huic simillimum est quod habet Plautus in Asinaria :

Estne hoc ut dico, Libane ? Lib. Rectam instas viam.

Ea res est.

Ut qui falluntur dicuntur tota aberrare via, ita qui rem bene conjectant dicuntur rectam insistere viam, quod schema mire tritum est et hodie vulgo illiterato. Simili schemate dictum est in Casina

Nunc pol ego demum in rectam redii semitam

pro eo quod erat rem ipsam deprehendi.

Index Adagiorum