IV. 10In beato omnia beata.lxxxiii
A divitibus omnia magnifice fiunt, a tenuibus frugaliter. Praxinoe in Charitibus Theocriti laudans Ptolemaeum, quod Adonidis festum magnificis sumptibus apparasset, non sine proverbii specie dixit : Ἐν ὀλβίῳ ὄλβια πάντα, [Idyll.] id est in divite ditia cuncta. Usus erit, si dicas ab homine docto omnia docte fieri, a pio pie, a rege regaliter.