Gulae veteres architecti et hoc commenti sunt, ut bos aut camelus totus apponeretur, differtus intus variis animantium generibus. Hinc et porcus Trojanus venit in populi fabulam. Cui hoc nomen inditum est, quod ita varias animantium species utera tegeret quemadmodum durius equus texit armatos viros. Macrobius libra Saturnalium III refert Cincium in oratione qua suasit legem Fanniam de moderandis sumptibus, objecisse suo seculo quod porcum Trojanum mensis inferrent. Mihi si detur optio, malim porcum Trojanum quam equum. Conveniet in opipara convivia aut in hominem variis deliciis expletum.