In eos qui nobis dira minitantur aut acerba praenuntiant conveniet illud Theocriticum in Bucoliastis :
id estΑὐτὰρ ὁ μάντις ὁ Τήλεμος ἐχθρ᾿ ἀγορεύων
Ἐχθρὰ φέροι ποττ᾿ οἶκον, ὅπως τεκέεσσι φυλάξῃ,
Jurarat Cyclops per unicum oculum suum, qui videret omnia semperque visurus esset. At Telemus vates illi praedixerat fore ut ab Ulysse exocularetur. Hoc omen Cyclops rejicit in vatem et illius liberos. Ita Vergilius :Telemus at vates, mihi qui canit omnia dira,
Dira domum referat, quo natis illa reservet.
et rursus :Quod dii prius omen in ipsum
Convertant !
Itidem Homerus Iliados Δ :Dii capiti ipsius generique reservent !
Simile illi Platonico in tuum ipsius caput !Σὺν σφῇσιν κεφαλῇσι γυναιξί τε καὶ τεκέεσι.