IV. 10. Et operam et retiam perdere. xlvi

Plautus in Rudentibus :

Jam nunc et operam ludos facit et retiam.

Id quidem citra tropum dictum est a sene, qui Grippum servum piscatum miserat, cum esset noctu orta tempestas gravissima. Venustius erit, si tropo adhibito dicatur in captatorem cui non successit aucupium. Porro retiam Plautus antique dixit pro rete. Affine est illi quod alibi retulimus, Oleum et operam perdidi et Opera et impensa periit.

Index Adagiorum