Qui imitatur exempla progenitorum majorum vestigiis inhaerere dicitur. M. Tullius Pro P. Sestio : Quem in majorum suorum vestigiis stare oportebat. Translatum a viatoribus qui observant vestigia praecedentium, ne quid aberrent. Similiter qui degenerant a progenitorum aut praeceptorum exemplis ab illorum vestigiis dicuntur recedere, et alienis vestigiis ingredi qui nihil ex se gignunt novi, sed aliorum inventis inhaerent.