IV. 10. Purus putus. xxx

Plautus in Pseudolo purum putum dixit pro prorsus ac vere :

Purus putus est ipsus, novi, herus Polymachaeroplacides,

quasi dicas : Ipsissimus est. Color sermonis resedit ex antiquitate : putum enim illi dicebant purgatum, unde et vites putare dicunt et rejectamenta nucum aut similium rerum dicuntur putamina. Proverbium ortum videtur ex aurificum officinis, qui ea forma dicebant purum putum quemadmodum qua jureconsulti dicunt sarta tecta.

Index Adagiorum