Avaros quaestusque supra modum avidos impuros ac sordidos dicimus. Id Plautus ὑπερβολικῶς exaggerat in Poenulo :
Nonnunquam declarat hominem scelerosum et contaminatum potius quam sordidum, ut Cicero in oratione Pro domo sua ad pontifices : O caenum, o portentum, o scelus ! Et Pisonem, ni fallor, alicubi lutum appellat. Sic enim appellat lutum quemadmodum subinde vocat scelerosum labem ac maculam. Itidem subinde facem, procellam ac tempestatem appellat tumultus auctorem.Sed lenone isthoc Lyco
Illius domi non lutum est lutulentius.