Adagiorum Chiliades

IV. 10Et praedam et praemium.i

Quoties significamus omnino quippiam auferendum sive jure sive injuria, dicemus et praemium et praedam auferendum. Praemium datur pro meritis, praeda per vim aut arte abducitur. Ballio in eadem fabula :

Auferetur id praemium a me quod promisi per jocum ?

[Pseud., 1224] Cui respondet senex :

De improbis viris auferri praemium et praedam decet,

sentiens malos quovis modo spoliandos, eo quod si quid male fit malis, benefacto tum est, sicuti benedictum est quod dignis male dicitur.