Quod omnibus modis compertum est oculis ac manibus deprehensum dicitur. M. Tullius Pro Cluentio : Cum manifeste venenum deprehendisset quod vir matris Oppianicus ei paravisset et res non conjectura, sed oculis ac manibus teneretur neque in causa ulla dubitatio posset esse, accusavit. Oculis magis creditur quam auribus. Quidam porro adeo sunt δυσπειθεῖς ut, nisi manibus contrectent, non credant, quemadmodum de Thoma Didymo narrat Evangelica historia.