Τῶν τριχῶν ἕλκειν, id est Capillis trahere, dicuntur qui vi perpellunt, quod et hodie dicitur auribus trahere. Aeschines in oratione quam modo citavi : Οὐ κατασχοίμην τὴν ὕβριν, ἀλλὰ παραθερμανθείς, ὅθ᾿ ἡμᾶς εἱστία ξενοδόκος τῶν ἑταίρων τις τοῦ Φιλίππου, ἑλκοίμην τῶν τριχῶν καὶ λαβὼν ῥυτῆρα, μαστιγοῖμι τὴν αἰχμάλωτον γυναῖκα, id est Non perpessus fuissem contumeliam, sed incanduissem, cum nos exciperet convivio quidam e Philippi amicis excipiendis hospitibus praefectus, et capillis traxissem et adrepto loro flagellassem captivam mulierem. Plautus in Menaechmis :
Opinor allusum ad Palladem Homericam, quae Achillem capillis revocavit a pugna. Idem in Mercatore :Sed quis hic est qui me capillo de curru deripit ?
De naribus trahi, obtorto collo, obtorta gula nobis alias dictum est. Quo longius a rebus corporeis recedet metaphora, hoc erit venustior, veluti si quis dicat lasciviam capillis trahendam et jejuniis laboribusque castigandam.Me istam capillo pertracturum in viam,
Nisi hinc abducit.