Qui vi compellitur obtorto collo trahi dicitur. Marcus Tullius actione in Verrem sexta : Hinc illa Verrea nata sunt, quod in convivium Sextum Cominium protrahi jussit, in quem scyphum de manu jacere conatus est, quem obtorta gula de convivio in vincula atque in tenebras abripi jussit. Idem Pro Cluentio : Nec quidquam prius est factum quam ut illum persequeretur et collo obtorto ab subsellia reduceret, ut reliqua posset perorare. Plautus in Amphitryone dixit obstricto collo :
Item in eadem fabula :Ob istud indignum dictum obstricto collo hac te diripiam.
Idem in Poenulo :Quin ego hinc Amphitryonem collo obstricto traham.
Rursus in Rudentibus :Dubito fugere hinc in malam crucem
Priusquam obtorto collo ad praetorem trahor.
Atque inibi paulo post : Subveni mi, Charmides, / Rapior obtorto collo.Opta ocius : Rapi te obtorto collo mavis aut trahi ?