IV. 9. Ne bestiae quidem ferre possent. xl

Proverbialis hyperbole est apud M. Tullium actione in Verrem quinta : Postremo ut odor Apronii teterrimus oris et corpori, quem, ut aiunt, ne bestiae quidem ferre possent, uni isti suavis et jucundus videretur. Confine est illi quod alibi retulimus, Balbinum polypus Agnae delectat. Idem in Catilinam invectiva V  : Tantus enim illorum temporum dolor inustus est ut jam ista non modo homines, sed ne pecudes quidem mihi passurae esse videantur. Paulo diversius dixit in epistola ad Atticum cujus initium Quaeris ex me, libro primo : Et, quod omneis non modo homines, verum etiam pecudes factum esse sciebant.

Index Adagiorum