Qui pecuniam praesentem ac justi ponderis debet ad libellam debere dicitur. Nam olim ad libram dabatur pecunia, non ad numerum. Inde illa vulgata expendere, expensum ferre, dependere, impendere pro : sumptum facere, sumptuum rationem reddere, solvere, resolvere et insumere. M. Tullius Pro Roscio Amerino : Nisi planum facit HS LIII ad libellam sibi deberi, perdit litem.