IV. 9. Vento vivere. iii

Hodieque vulgo tritissimum est ut eos dicant vento vivere qui nullo vivunt impendio, et addunt more siluri, quod plerisque creditum est eum piscem aura saginari, quod idem creditum est de chamaeleonte. Alexander imperator libro Codicis V, titulo De alimentis pupillo praestandis : Nec ferendus, inquit, est juvenis qui, cum praesens esset studiisque eruditus atque alitus esset, si ea per alium se consecutum non probet, sumptus recuset, quasi vento vixerit aut nullo liberi hominis studio imbui meruerit.

Index Adagiorum