IV. 8. Funiculum ad lapidem. xcix

Τὴν σπάρτην πρὸς τὸν λίθον ἄγειν, id est funiculum, lapidi admovere, dicuntur qui curam omnem adhibent ne quid geratur in republica secus quam oportet. Beatus Chrysostomus homilia in priorem ad Corinthos epistolam tricesimam quintam : Σκόπει πῶς πάλιν ἐνταῦθα πρὸς τὴν σπάρτην τὸν λίθον ἄγει, τὴν οἰκοδομὴν πανταχοῦ ζητῶν τῆς Ἐκκλησίας, id est Considera, ut hic rursus funiculum admovet ad lapidem, ubique quaerens aedificationem Ecclesiae. Translatum est ab architectis, qui non credunt oculis suis, sed ad perpendiculum explorant lapidum aequalitatem. Quod est exactae diligentiae.

Index Adagiorum