Adagiorum Chiliades

I. 4Nudo vestimenta detrahere.lxxvi

Ad hanc sententiam pertinet hoc quoque, quod ab eodem est usurpatum poeta : Nudo vestimenta detrahere pro eo, quod est : ab eo sperare emolumentum, cui ne sit quidem quod auferri queat. Sic enim idem Libanus in Asinaria Plautina admonitus ab hero, ut ab ipso per fallaciam argentum abraderet, quo filio emeretur amica,

Maximas, inquit, nugas agis.

Nudo detrahere vestimenta me jubes.

[Asin., 91] Adducit et divus Chrysostomus proverbium vulgo jactatum, quo dicebant nec a centum viris unum nudum spoliari posse. [Matth., 83, 2] Nudus nec a centum viris spoliari Apuleius Asinus libro primo scripsit : Nudum nec a decem palaestritis posse spoliari. [Met., 1, 15]