IV. 8. Quanta vix coelo capi possit. viii

Hac hyperbola M. Tullius Philippica secunda famae celebritatem expressit, de his loquens qui C. Julium tyrannidem adfectantem occiderunt : Praesertim cum illi eam gloriam consecuti sint quae vix coelo capi posse videatur. Vergilius :

Imperium terris, sed famam terminat astris.

At Maro Daphnidem facit et ultra sidera notum. Et Horatius :

Sublimi feriam vertice sidera.

Apud M. Tullium frequenter obvium est in coelum laudibus ferre.