IV. 7. Nec praeceps fueris ad jurandum. lxxvii

Non nullis haud vulgariter eruditis videtur et hoc adagiis annumerandum, quod refert Ulpianus libro Pandectarum XII, capit. XIII, titulo De jurejurando, circa finem. Siquis, inquit, juraverit in re pecuniaria per genium principis dare se non oportere, vel intra certum tempus, et pejeraverit vel si dare oportere, vel intra certum tempus juraverit se soluturum nec solverit : imperator noster cum patre rescripsit fustibus castigatum dimittere et ita ei superindici : Προπετῶς μὴ ὄμνυε, id est Ne fueris ad jurandum praeceps ! Habebit proverbii speciem, si quis hominem post acceptum malum admoneat : Προπετῶς μὴ ὄμνυε.

Index Adagiorum