IV. 7. De sportula coenare. xlv

Athenaeus libro octavo. Graeci τὸ ἀπὸ σπυρίδος δεῖπνον, id est coenam e sportula proprie vocabant, quoties aliquis sibi parasset coenam eaque in sportulam composita iret apud alium coenaturus. Quod genus et hodie durat inter homines frugi, qui nec gravari volunt sumptu nec alios gravare. Lepidius erit, si transferatur ad eum qui sic adit discendi gratia ut ipse vicissim adferat quod deceat, ut fiat eruditionis permutatio.

Index Adagiorum