IV. 7. Coriaceum auxilium. xviii

Σκυτίνη ἐπικουρία, id est coriaceum sive pelliceum auxilium apud Atticos infirmum et imbecille dicebatur. Refertur apud Hesychium. Athenaeus libro XII indicat dictum in quendam Sannyrionem macilentum, quod praeter pellem nihil haberet. Apud eundem libro XIII. Antiphanes philosophos macilentos notans : Μετὰ σοφιστῶν, νὴ Δία, λεπτῶν, ἀσίτων, σκυτίνων, id est Cum sophistis per Jovem macilentis, impastis, pelliceis. Tales erant olim philosophi et hodie sunt qui vultu tristes vendunt sanctimonias.

Index Adagiorum