Καλλίπυγοι dicebantur eleganti forma praeditae. Athenaeus libro XII ad hujusmodi fabulam refert originem proverbii. Duae sorores, rustici cujusdam filiae, de formae praestantia inter se decertabant in via publica. Accessit adulescens, qui formas admiratus patri seni ostendit. Is majorem praeferens ejus amore captus est. Profectus in urbem lecto coepit decumbere. Morbi causam exposuit fratri natu minori. Is rus profectus conspectis puellis minoris amore correptus est. Pater virginum collocat eas hujus filiis, quas cives ob insignem formam appellarunt Καλλιπύγους. Harum opibus extructum est Veneri templum, quam et ipsam a puellis dixere Καλλίπυγον. De quibus Cercidae scazontem citat :
id estἮν καλλιπύγων ζεῦγος ἐν Συρακούσαις,
Eosdem appellant πυγάργους, ut alibi diximus in proverbio Λευκόπυγοι.Par callipigon quondam erat Syracusis.