IV. 7. Homo semper contradicens. xiii

Galenus libro quo refellit Julianum nescio quem calumniantem Aphorismos Hippocratis, refert hanc sententiam ut vulgo celebratam : Οὐδέν ἐστιν ἀπεραντολογώτερον ἀνθρώπου, id est Nihil est pertinacius ad contradicendum quam homo. Ἀπεραντολογία est vitium quo quis garriendi finem nescit facere. Convenit in eos qui nunquam fatentur se victos. Hoc vitio maxime laborant stupidi et imperiti.

Index Adagiorum