Φρέαρ ἀργυροῦν, id est argenteus puteus. Athenaeus libro undecimo indicat olim ingens poculum dici solitum puteum argenteum, nam cyathi pusilli erant. Sunt et hodie qui delectantur e profundis poculis haurire atque, ut inquit ille, proluere labra, habentes in ore proverbium Multa aqua ori admota probe macerari barbam. Jocus est a tonsoribus, qui rasuri prius calida macerant barbam.