Strabo libro II de narratione parum probabili : Ἣν οὐδὲν τῷ Ἑρμῇ πιστεύσαι τις λέγοντι, id est Quam ne Mercurio quidem credat aliquis narranti. Tametsi locus mendosus est, ut sunt pleraque in hac prima aeditione ; οὐδὲ sine controversia legendum est. Proprie conveniet in eos qui longinquis peregrinationibus circumacti narrare solent prodigiosa. At viatorum deus habebatur Mercurius.