IV. 7Mercurio dextro.ii
Hesychius [Lex.] indicat veteres in jactu quodam solere ominis gratia praefari Mercurium, quemadmodum in conviviis : Ἀγαθοῦ δαίμονος καὶ Διὸς σωτῆρος, de quibus suo dictum est loco. Idem indicat in sortibus ducendis primam sortem dici solere Mercurium. Per jocum usurpare licebit, ubi quid aggredimur novi. Qui de summa periclitantur, dicuntur omnem jacere aleam, qui primum tentant aliquid dici possunt Mercurium ducere. Julius Pollux libro VI, capite IX, indicat in κρεωνομίᾳ, id est carnium partitione, primam carnium portionem Ἑρμοῦ κλῆρον, [Onom.] id est Mercurii sortem, appellari solere.