IV. 6. Ἀγαθοδαιμονίσται. c

Agathodaemonistae dicebantur olim qui parce biberent. Tantum Hesychius, auctor ex re nomen habens, nisi forte hoc operis quod habemus epitome est ejus quod ille scripsit. Proditum est Socratem nunquam de primo cratere bibere solitum, sed secundo servare sitim. Tertium autem craterem ἀγαθοῦ δαίμονος appellabant, quemadmodum alibi declaratum. Itaque qui sitim servabant tertio crateri ἀγαθοδαιμονίζειν dicebantur. Itali raro bibunt in convivio nec nisi saburrato, ut Plautino verbo utar, stomacho. Nos potu auspicamur convivium et potu claudimus, frustra reclamantibus medicis.

Index Adagiorum