Βοῦς ἐνάλιος, id est bos maritimus, de magnis, insulsis et ad nihil utilibus, quales sunt phocae tantum pascentes nec operi nec esui utiles, contra quam boves terrestres. Refertur a Suida. Suspicor autem legendum Βοῦς ἐναύλιος, ut sit idem quod mox sequitur : Βοῦς ἐν αὐλίῳ κάθῃ, id est Bos in stabulo sedes. Sic enim refertur in collectaneis Tarrhaei ac Didymi. Estque hemistichum iambici trimetri.