IV. 6. Non contis aut ramulis. lxxii

Idem libro eodem de Antonio quodam ad honorem mensae regalis apud Persas evecto et ad jus ferendae sententiae admisso. Non contis, inquit, aut ramulis, ut aiunt, id est non flexiloquis ambagibus vel obscuris, sed velificatione plena in rempublicam ferebatur eoque incitans regem. Quanquam pro ramulo legendum arbitror remulo, nam contis et remis impellunt navim qui ventos habent adversos. Pars est magis adagii quod alibi recensuimus Velis remisque quam novum adagium.

Index Adagiorum