Adagiorum Chiliades

IV. 6Iynge trahor.x

Qui vehementi et impotenti desiderio trahuntur ad aliquid Iynge trahi dicuntur. Ita Pindarus in Nemeis, hymno quarto : Ἴυγγι ἕλκομαι ἦτορ, [Nem.] id est Iynge trahor animo. Interpres addit hujusmodi fabulam : Iyngem aiunt fuisse filiam Echus, alii Pithus, quae, cum amatoriis venenis incitasset Jovem in amorem Jus, a Junone irata versa est in avem, qua mulieres uti consueverunt in amatoriis veneficiis, quemadmodum indicat Theocritus in Pharmaceutria :

Ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα,

[Idyll.] id est

Per te, Iynx, meus ille domum vir, quaeso, trahatur.

Quidam iyngem vetunt motacillam, quod causam assidue moveat.