M. Varro, libro De re rustica primo, capite secundo, subindicat vulgo dici solere : Portam itineri esse longissimam. Cujus arbitror eundem esse sensum qui est illius :
Quin et hodie dicunt bonam itineris partem confectam ei qui portam egressus sit. Semper enim est quod iter apparantem remoretur, et si nihil sit negotii, remorantur amicorum affectus ; apud nostrates autem non creditur profectio futura felix, nisi dies aliquot dati fuerim conviviis et compotationibus amicorum. Varronis verba subscribam : Vultis igitur interea vetus proverbium, quod est Romanus sedendo vincit usurpemus dum iste venit ? et simul cogitans portam itineri dici longissimam esse, ad subsellia sequentibus nobis praecedit.Dimidium facti qui coepit habet.