IV. 5Omneis adhibere machinas.lxxii
M. Tullius libro Epistolarum ad Brutum : Ad reliquos hic quoque labor mihi accessit, ut omneis machinas adhibeam ad tenendum adulescentem. [Ad Brut.] Item Plato De legibus libro septimo : Οὐκοῦν φάμεν ἅπασαν μηχανητέον μηχανήν, [Leg.] id est Itaque dicimus omnem adhibendam machinam. Rursum in eodem : πᾶσαν μηχανὴν προσφέρων, [Leg.] id est Omnem machinam admovens. Sumptum est ab his qui summa vi oppugnant arcem aut oppidum, nullum machinae genus non admoventes, nihilque relinquunt intentatum.