IV. 5. Extrema linea. xlvi

Quoniam olim initium unde cursus incipiebatur ducta linea notabatur, rursus extremum linea signabatur, idcirco a linea incipere sive ad lineam redire dicebantur qui rem ab initio repetebant. Et quod in quaque re postremum est, extremam lineam appellabant. Ita Terentianus Phaedria :

Postremo extrema linea / amare nonnihil est.

Et Tertullianus, libro quem adversus Hermogenem scripsit, vocat eum ignorantium extremam lineam, quod ultimus esset haereticorum. Siquidem adhuc erat in vivis, cum ea scriberet Tertullianus.

Index Adagiorum