In eodem dialogo non dissimilem huic allegoriam adducit, veluti proverbio jactatam : Difficile omneis laqueos effugere. Quod ipsum a venatu translatum est, in quo sic undique saepiuntur exitus, ut necesse sit feram in aliquas insidias incidere. Ὀρθὴ γὰρ ἡ παροιμία, τὸ τὰς ἁπάσας μὴ ῥᾴδιον εἶναι διαφεύγειν, id est Siquidem recte habet proverbium, quo dicitur haud facile esse omneis laqueos effugere.