Παλεύει καλῶς τὴν ἀλώπεκα, id est Decipit pulchre vulpem. Suidas recenset dumtaxat nec explicat. Apparet dictum in eum qui dolis captaret astutum, cuique frustra tenduntur insidiae. Nam παλεύειν est arte illectare. Unde et columbae exoculatae, quas aucupes in reti ponunt, quo subsultantes reliquas deceptas alliciant, παλεύτριαι dicuntur. Et qui feris tendunt casses, παλευταί vocantur. At vulpem dolo circumvenire difficile est.