I. 4. Asinum sub freno currere doces. xl

Asinum sub freno currere doces Asinum sub freno currere doces, hoc est doces indocilem. Nam equus ad cursum idoneus, asinus ad equestrem cursum inutilis. Horatius :

Infelix operam perdas, ut si quis asellum

In campum doceat parentem currere freno.

Acron admonet proverbialiter dictum de asino. Est autem diversum illi, quod alibi retulimus : Τὸν ἵππον εἰς πεδίον, id est Equum in campum.