Admodum certe proverbiali figura dictum est a Plauto, citante Festo Pompeio :
Et Cicero ad Atticum libro quintodecimo, epistola ultima : Ex hac nassa exire constitui, non ad fugam, sed spem mortis meliorem. Est autem nassa piscatorii vasis genus quo, posteaquam intrarit piscis, exire non potest. Unde proverbialia fuerint et illa : In nassam incidere et E nassa elapsus.Nunquam hercle ex ista nassa hodie escam petam.