Divus Hieronymus in Epistolis : Et Apostolicae voluntatis sequentes vestigia ne punctum quidem, ut dicitur, aut unguem transversum ab illius sententiis recedamus. Apud mathematicos punctum minimum quiddam est in dimensione corporis, adeo ut dividi non possit ; quod imaginatione porrectum in longum lineam efficit ; rursum in latum porrecta linea superficiem efficit. Ad eundem modum Terentius in Andria :
Tum temporis ad hoc mihi punctum est.