Adagiorum Chiliades

IV. 4Uno digitulo.lxxviii

Uno digitulo summam negotii facilitatem significabant. Terentius in Eunucho :

Qui mihi nunc uno digitulo fores aperis fortunatus

Nae tu istas faxo calcibus saepe insultabis frustra.

[Eun.] Hieronymus in Dialogo Luciferiani et Orthodoxi : Hanc igitur hastam, quam totis viribus misisti, de qua nobis minitaris, uno, ut aiunt, digitulo repellam. [Alt.] Huc pertinet et illud quod alibi dictum est : Minimo provocare, cum significamus nos vel nullo negotio posse vincere.