Quod scriptum est in ludicro Senecae proverbii speciem habet. Intellexit, inquit, neminem parem sibi Romae fuisse illicque non habere se idem gratiae : gallum in suo sterquilinio plurimum posse. Allusit ad Claudium imperatorem, Lugduni natum. Hodieque de cane vulgo dicunt eum in suo sterquilinio plurimum audere. In alieno timidiores sumus omneis, in suo quisque regno ferocior est et animosior.