In homines praetenui corpore quadrabit illud ex eodem Idylli, quo dictum est in vitulam macram : Μὴ πρῶκας σιτίζεται, ὥσπερ ὁ τέττιξ; id est Rorene vivit more cicadae ? Dores enim rorem appellant πρῶκα, quod πρωί, id est mane, cadat. Porro, cicadas rore ali testis est Plinius libro undecimo, capite vigesimo sexto : Ore carent, sed habent in pectore fistuloso quiddam aculeatum linguis simile ; eo rorem lambunt. Cum excitatae subvolant, reddunt humorem, quod solum argumentum est illas rore pasci ; neque enim ad excrementa corporis ullum foramen est. Unde Maro :
Venustius erit si transferatur ad ingenium sive stilum jejunum et aridum ; aut per ironiam in hominem vehementer obeso corpore.Dumque thymo pascentur apes, dum rore cicadae.