IV. 4. Suade lupis ut insaniant. xv

Rursus in eadem :

Πείσαι τοι Μίλων καὶ τὼς λύκως αὐτίκα λυσσῆν,

id est

Hoc quoque Milo lupis mox persuadeto rabire.

Ubi quis animum inducit ad rem stultissimam, quam non aggrederetur nisi insanus. Nam lupi insaniunt vel sua sponte ; veluti si quis tyrannum instiget ad crudelitatem, cum plus satis saeviat suopte ingenio. Rabies proprie canum est, unde scholiastes Theocriti putat hoc velut absurdum proponi ; sed canes aliquando rabiunt, lupi nunquam non rabiunt.