Ad eandem formam pertinet : Ἔγγυθεν καὶ πόρρωθεν, id est Cominus atque eminus. Translatum et hoc a bello, in quo nunc conserti pugnant gladiis, nunc machinis procul tela in hostem torquent. Id si ad animi res transferatur, fiet venustius. Cum hominibus habenda pax, caeterum cum vitiis cominus atque eminus pugnandum. Qui cominus pugnant συστάδην μάχεσθαι dicuntur, qui hastis διὰ δοράτων μάχεσθαι dicuntur.